Казакстанда Токаевдин Жолдоосу: инфраструктурага 6,5 трлн тенге бөлүнөт

Казакстандын Президенти Касым-Жомарт Токаев Казакстан элине арналган «Жаңы тарыхый мезгилдеги Казакстандын актуалдуу милдеттери» деген Жолдоосунда өлкөнүн келечектеги өнүгүү багытын жана экономикалык жана социалдык чөйрөлөрдөгү негизги милдеттерди аныктады. Көзкарандысыздыктын 35 жылдыгы белгиленип жаткан учурда Казакстан Элдик Кеңешинин мүчөсү Акбаржон Исмаилов жазган макалада жаңы Конституциянын кабыл алынышы саясий өнүгүүдөгү маанилүү баскыч катары белгиленет.

Президент 2027-жылды «Жалпы элдик масштабдуу курулуш жылы» деп жарыялоону сунуштап, 2029-жылдын аягына чейин Улуттук фонддон инфраструктураны жаңылоого болжол менен 6,5 триллион тенге бөлүнөрүн айтты. Демилге аясында облустарда ооруканалар, мектептер, спорт жана маданият объекттери курулат, жолдор менен инженердик тармактар жаңыланат, конуштарга газ жана таза ичүүчү суу жеткирилет.

Микро жана чакан бизнести текшерүүгө 2027-жылдын 1-январынан баштап үч жылдык мораторий киргизүү мүмкүнчүлүгү каралып, мамлекеттик сатып алууда өлкөлүк өндүрүүчүлөргө артыкчылык берүү сунушталды. Жолдоодо эң төмөнкү эмгек акыны 85 миң тенгеден 110 миң тенгеге чейин көтөрүү милдеттери да бар.