Кыргызстандын өнөр жайы беш жылда 45,5%га өстү, иштетүүчү өнөр жайдын үлүшү артты

Кыргызстандын өнөр жайы 2025-жылы физикалык көлөмдө 10,6%га өстү. Улуттук статистика комитетинин маалыматы боюнча, учурдагы баалардагы өндүрүш 819,6 млрд сомго жетип, 2020-жылга салыштырганда 45,5%га өскөн. Өнөр жайдын ИДПдагы үлүшү 17,7%га чейин көтөрүлдү.

Өнөр жай өндүрүшү 2021–2025-жылдары жыл сайын өстү. Физикалык көлөм индекстери 2021-жылы 109%, 2022-жылы 111,4%, 2023-жылы 102,7%, 2024-жылы 105,5% жана 2025-жылы 110,6% болду. Иштетүүчү өнөр жайдын үлүшү 2021-жылкы 75,9%дан 2025-жылы 79,4%ке жетти, кен казып алуу 11,4%дан 9,8%ке, энергетика 11,5%тен 9,9%ке түштү.

Иштетүүчү өнөр жай 2025-жылы 650,8 млрд сомдук өндүрүш чыгарды. Компьютерлердин, электрондук жана оптикалык жабдуулардын өндүрүшү 66,2%га, машиналар жана жабдуулар 40,7%га, электр жабдуулары 33,9%га кыскарды. Өнөр жайда иштегендердин саны 5,9%га өсүп, 150,7 миң адамга жетти, орточо айлык номиналдуу эмгек акы 53,4 миң сомду түздү.