Якутия көмүр экспортун 43%га көбөйтүштү

Саха Республикасы (Якутия) 2026-жылдын январь — август айларында көмүр экспортун 43%га көбөйтүп, 28 млн тоннага жеткирди. Өткөн жылдын ушул мезгилинде бул көрсөткүч 19,6 млн тонна болгон. Бул тууралуу республика башчысы Айсен Николаев Эл аралык «Орусиянын энергетика жумасы» форумунда билдирди.

Николаевдин айтымында, өсүштүн негизги себеби Тынч океан темир жолунун иш жүзүндө олуттуу иштей баштаганы. 2026-жылдын январь — август айларында көмүрдүн 17,8 млн тоннасы Орусиянын темир жолдору тармагы аркылуу, 10,2 млн тоннасы Тынч океан темир жолу аркылуу жөнөтүлдү. Жолдун өткөрүү жөндөмдүүлүгү 30 млн тонна деп эсептелет, бирок аны 50 млн тоннага жеткирүү үчүн модернизация уланууда жана ал 2027-жылы аяктайт деп күтүлөт.

Николаев 2025-жылы Якутия 51,5 млн тонна көмүр казып алганын, бул мурунку жылга салыштырганда 4,3%га көп экенин кошумчалады. Республика 2026-жылга 56,5 млн тонна казып алуу планын бекитти.