Кышта жарык өчпөйбү? Кыргызстанда энергетикалык жабдууларды оңдоо уланууда

Бишкек, 2026-жылдын 16-октябры. «Кабар» агенттигинин билдирүүсүнө ылайык, «Кыргызстан улуттук электр тармагы» ААК 2026–2027-жылдардагы күз-кыш мезгилинде калкка электр энергиясын ишенимдүү жеткирүүнү камсыз кылуу боюнча комплекстүү иш-чараларды жүргүзүүдө. Компаниянын маалыматы боюнча, электр тармактары жана жабдуулар жогорку жүктөм шартында иштөөгө даярдалууда.

Оңдоо иштери уланып, энергетикалык инфраструктура модернизацияланууда, ошондой эле ыкчам жана техникалык кызматтардын даярдыгы жогорулатылууда. Компания күз-кыш мезгилинин өтүшү аба ырайынан, электр энергиясын керектөө деңгээлинен жана энергосистемага түшкөн иш жүзүндөгү жүктөмдөн көз каранды экенин белгиледи. Компаниянын негизги милдети керектөөчүлөрдү мүмкүн болушунча туруктуу электр энергиясы менен камсыз кылуу экени айтылды.

Муну менен бирге компания керектөөчүлөрдү энергосистемага максималдуу жүктөм түшкөн саатта электр энергиясын үнөмдүү жана сарамжалдуу пайдаланууга чакырды. Компания Бишкек ЖЭБинен жана өлкөнүн гидроэлектростанцияларынан алынган электр энергиясын электр берүү чубалгылары аркылуу турак үйлөргө жана офистерге жеткирүү үчүн жооп берерин билдирди.