Кыргызстанда демографиялык саясат концепциясын ишке ашыруу башталды

Бишкекте Министрлер кабинетинин төрагасынын орун басары Улан Маматканов Министрлер кабинетине караштуу Демографиялык саясат боюнча кеңештин биринчи жыйынын өткөрдү. 2026-жылдын 16-октябрында өткөн жыйында катышуучулар Кыргызстандагы учурдагы демографиялык кырдаалды, өлкөнүн демографиялык өнүгүүсүндөгү негизги көйгөйлөрдү жана Кыргызстандын 2040-жылга чейинки Демографиялык саясат концепциясынын биринчи этабын (2026–2030-жылдар) ишке ашыруу боюнча иш-чаралар планын талкуулашты.

Орун басар өлкөнүн туруктуу өнүгүүсү үчүн демографиялык саясаттын стратегиялык маанисине басым жасады. Бул багыттагы максаттарга жетүү мамлекеттик органдардын өз ара макулдашылган аракеттерин талап кыларын белгиледи. Иш-чаралар планын өз убагында жана сапаттуу аткарууга, жооптуу мамлекеттик органдардын ишин координациялоого, анын аткарылышына туруктуу мониторинг жүргүзүүгө жана аныкталган маселелерди чечүү боюнча конкреттүү чараларды кабыл алууга өзгөчө көңүл бурулду.

Жыйында демографиялык саясаттын артыкчылыктуу багыттарын ишке ашыруу жана өлкөнүн демографиялык өнүгүүсү үчүн мүмкүнчүлүктөрдү натыйжалуу пайдалануу боюнча сунуштар талкууланды. Жыйындын жыйынтыгында бир катар тапшырмалар берилди.