Токаев Камбоджа премьерин Alem.ai иштеп чыгууллары менен таанышууга чакырды

Камбоджанын премьер-министри Хун Манет жана анын делегациясы Alem.ai эл аралык борборунда Казакстандын жасалма интеллект тармагындагы иштеп чыгууллары менен таанышат. Муну Президент Касым-Жомарт Токаев кеңейтилген курамдагы сүйлөшүүлөрдө билдирди.

Токаевдин айтымында, эки өлкөнүн жогорку технологиялар тармагында кызматташуу үчүн олуттуу потенциалы бар. Камбоджанын делегациясы Казакстандын жасалма интеллектти кантип өнүктүрүп жатканына кызыгууда. Токаев ошондой эле Казакстандын БУУнун Электрондук өкмөттүн өнүгүү индексиндеги оң динамикасын белгиледи. Хун Манет өз кезегинде Камбоджанын азык-түлүк коопсуздугу, айыл чарба жана иштетүүчү өнөр жай тармактарында биргелешип иштөөгө кызыгуусун билдирди.

Хун Манет Казакстанга расмий сапар менен келди. 17-октябрда Токаев аны Акордада салтанаттуу аземде тосуп алды, анда ардактуу кароол жана эки өлкөнүн гимндери аткарылды. Тет-а-тет сүйлөшүүлөрдө Камбоджанын премьери өз өлкөсүнүн министрликтери Казакстандын мамлекеттик кызматтарды санариптештирүү тажрыйбасын кабыл алууну каалаарын айтып, энергетика тармагында биргелешкен долбоорлорду аныктоону сунуштады. Токаев өлкөлөрдүн ортосунда түз аба каттамдарын ачууну жана гуманитардык алмашууларды активдештирүүнү сунуштады.