Президент Арменияга болгон расмий сапарын аяктап, Бишкекке кайтып келди

Кыргыз Республикасынын президенти Садыр Жапаров 15-17-октябрда Армения Республикасына болгон расмий сапарын аяктап, 17-октябрда Бишкекке кайтып келди.

Жапаров 15-октябрда БУУнун Биологиялык ар түрдүүлүк жөнүндөгү конвенциясынын тараптарынын 17-конференциясынын (COP17) алкагында өткөн Лидерлер саммитинин расмий ачылыш аземине катышты. 16-октябрда ал “Лидерлер жаратылыш үчүн” саммитинин пленардык жыйынынын ачылышында сөз сүйлөп, глобалдык жылуулуктун кесепетинен Борбордук Азияда мөңгүлөрдүн эриши көйгөйүн чечүүгө багытталган бир катар негизги демилгелерди сунуштады. Ошол эле күнү ал ЮНЕСКОнун башкы директору Халед Аль-Анани менен жолугушту.

Жапаров Армениянын президенти Ваагн Хачатурян жана премьер-министри Никол Пашинян менен эки тараптуу сүйлөшүүлөрдү жүргүзүп, өлкө лидерлерин Кыргызстанга иш сапарлары менен келүүгө чакырды. Сүйлөшүүлөрдүн жыйынтыгы боюнча 10 документке кол коюлду.