Кыргызстандык фермер Раиса Тологонова ФАОнун 100 адис аялдын катарына кирди

Кыргызстандык фермер Раиса Тологонова Азык-түлүк жана айыл чарба уюмунун (ФАО) айыл чарбасын жана айыл коомчулуктарын өнүктүрүүгө кошкон салымы үчүн, уюм таанышкан 100 аялдын катарына кирди. Бул тууралуу ФАОнун басма кызматы билдирди.

Тологонова ФАОнун «100 героиня» глобалдык демилгесинин лауреаттарынын бири болду. Демилге Фермер аялдардын эл аралык жылы — 2026 — жылына арналган. Программага 131 өлкөдөн 600дөн ашык талапкер сунушталган. ФАОнун Башкы директору Цюй Дунюй аны 12–16-октябрда Римде өткөн Дүйнөлүк азык-түлүк форумунун алкагындагы сыйлоо аземине чакырган.

Раиса Тологонова 1955-жылы Ысык-Көл облусунун Саруу айылында төрөлгөн. Ал 20 жылдан ашык убакыт бакчалык чарбада агроном болуп иштеген. Кийинчерээк күйөөсү жана уулу менен Жети-Өгүз районунда өз фермер чарбасын негиздеген. Негизги багыты кара карагат өстүрүү болуп, аянты 25 гектарга жакын, түшүмдүүлүгү гектарынан 100 центнерге жетет.

Фермер ошондой эле небересинин ысымынан «Гүлдана» деп аталган жаңы алма сортун иштеп чыккан. Тологонова: «Жер менен иштөө сабырдуулукту, билимди жана жаңы чечимдерди издөөнү талап кылат», — деп белгиледи.