Кыргызстандагы орто ишканалардын саны бир жылда 35,6%га өстү

Кыргызстанда 2025-жылы 1 227 орто ишкана иштеген, бул 2024-жылга салыштырмалуу 35,6%га көп. Кичи ишканалардын саны 26 миң болгон. Бул тууралуу Улуттук статистика комитетинин Финансы жана баа статистикасы башкармалыгынын башчысы Малика Абдукадырова 15-октябрда Бишкекте өткөн басма сөз жыйынында билдирди.

2026-жылдын 1-январына өлкөдө дээрлик 505 миң жеке ишкерчи жана 479 миң дыйкан-фермер чарбасы катталган. Кичи жана орто ишканалардын 20 миңдейи, же 73%ы Бишкекте жайгашкан. Ош облусунда 91 миң ишкерчи, же жалпы санынын 18%ы бар. Фермер чарбаларын эсепке албаганда, ишканалардын 39%ы соодада, 24%ы айыл чарба жана балык уулоодо, 10%ы транспортто, 6%ы өнөр жайда иштейт.