Кыргызстандын экономикасы 9 айда 10,8%га өстү

Кыргызстандын экономикасы 2026-жылдын январь–сентябрь айларында 10,8 пайызга өстү. Улуттук статистика комитетинин алдын ала баалоосу боюнча, ушул мезгилде ички дүң продуктунун (ИДП) көлөмү 1 640,9 млрд сомду түздү. Өткөн жылдын ушул мезгилинде бул көрсөткүч 9,9 пайыз эле.

Өсүш экономиканын бардык негизги тармактарында байкалууда. Курулуш иштеринин көлөмү 62,2 пайызга, өнөр жай өндүрүшү 7,1 пайызга, айыл чарба 6,5 пайызга, кызмат көрсөтүү 6,1 пайызга өстү. Номиналдык ИДПнын түзүмүндө товар өндүрүүчү тармактардын үлүшү 35,9 пайызды, кызмат көрсөтүү тармактарынын үлүшү 48,7 пайызды түздү.

Министрлер кабинетинин ишкердик чөйрөнү колдоо, стратегиялык тармактарды стимулдаштыруу жана инфраструктураны жаңылоо боюнча жүргүзгөн саясаты өсүшкө өбөлгө болду.