Иран менен Түркмөнстан бажы кызматташтыгы жөнүндө келишимге кол койду

Иран жана Түркмөнстандын бажы кызматтарынын ортосунда биргелешкен кызматташтык программасы боюнча документ кол коюлду. Бул жөнүндө Иран бажы администрациясы билдирди. Документке Иран Экономика жана финансы иштери боюнча вице-министри, Бажы администрациясынын башкы директору Фороуд Асгари жана Түркмөнстандын Мамлекеттик бажы кызматынын жетекчиси Максат Худайкулиев кол койду.

Документке ылайык, конкреттүү жолугушуулар пландалып, өткөрүлөт. Бул жолугушууларда Сарахс чек ара өткөрүү пунктунда жүк унааларын иштетүү жөндөмүн жогорулатуу, күтүү убактысын кыскартуу жана эки өлкөнүн ортосундагы соода жүгүртүүсүн көбөйтүү маселелерине басым коюлат. Документте ошондой эле Сарахста темир жол алмашуу мүмкүнчүлүктөрүн кеңейтүү, Лотфабад чек ара өткөрүү пунктунда унааларды жылдыруну жеңилдетүү жана чек ара инфраструктурасын өнүктүрүү приоритет катары белгиленген.

Максат эки өлкөнүн чек ара өткөрүү пункттарында унаалардын кыймылын ылдамдатуу жана тыгын маселелерин жоюу. Бүгүн Сарахс чек ара өткөрүү пунктунда эки өлкөнүн бажы кызматкерлеринин жолугушуусу өттү. Жолугушуунун негизги маселеси жүк унааларынын транзити болду, максаты Сарахс аркылуу күнүнө 700 жүк унаасын, ар бир тараптан 350дөн өткөрүүнү жеңилдетүү.