Борбордук Азия сел жана суу ташкынынан коргоо планын жактырды

Борбордук Азиянын беш өлкөсүнүн өзгөчө кырдаал органдарынын жетекчилери чек аралык сел жана суу ташкындарынын кесепеттерин азайтууга багытталган аймактык жол картасын, ошондой эле шаарлардын кырсыктарга жана климаттын өзгөрүшүнө туруктуулугун 2030-жылга чейин жогорулатуу концепциясын жактырышты. Документтер 19–20-октябрда Ташкентте өткөн Аймактык форумда кабыл алынды. Форумдун негизги практикалык натыйжасы — анын протоколуна кол коюлушу болду. Бул тууралуу Германиянын эл аралык кызматташтык коому (GIZ) кабарлады.

Форумга куткаруучулар, синоптиктер, мамлекеттик органдардын өкүлдөрү жана эл аралык эксперттер катышты. Жол картасына инвестициялык план кирет, ал эми концепция 2027–2028-жылдарга арналган ишке ашыруу планы менен бирге берилген. Делегация жетекчилери Тажикстандын Өзгөчө кырдаалдар жана жарандык коргоо комитетинин демилгесин да колдоштү: республикалык окуу-методикалык борборунда куткаруучулар үчүн квалификацияны жогорулатуу курстарын, машыгууларды жана мелдештерди өткөрүү. Борборго аймактын куткаруучуларын даярдоочу негизги уюм статусун берүү маселеси 2027-жылы каралат.

20-октябрдагы пленардык жыйында GIZ ишке ашырып жаткан «Борбордук Азиядагы климаттык тобокелдиктерди башкаруу» программасы Өзбекстандагы натыйжаларын тартуулады. Исфайрамсай, Шахимардан жана Зарафшан дарыя бассейндеринде климаттык тобокелдиктерге баа берилди; Өзгидромет үчүн 700 жылдык метеорологиялык, гидрологиялык жана агрометеорологиялык маалыматтар санариптештирилди.