Мицкоски: Түндүк Македониянын экономикасынын келечеги көп балалуу үй-бүлөлөрдө

Түндүк Македониянын премьер-министри Христиан Мицкоски демографиялык саясаттын жана көп балалуу үй-бүлөлөргө көрсөтүлгөн колдоонун өлкөнүн экономикалык келечеги менен түздөн-түз байланыштуу экенин айтты.

Мицкоски үй-бүлө баалуулуктарына жана көп балалуу үй-бүлөлөргө көңүл бурулбаса жана бул баалуулуктар жайылтылбаса, Македония экономикасы биринчи соккуну алат деп эскертти. Премьер келечекте экономикалык ишмердүүлүктү улантуу үчүн алда канча көп жумушчу керек болушу мүмкүн экенин да белгиледи.

Ал Батыш Европа өлкөлөрү жүз миңдеген, ал тургай миллиондогон мигранттарга жумуш уруксатын берип жатканын жана азыр Франциядагыдай нааразылыктарга туш болуп жатканын айтты. Мицкоски, алар кандай мазакка алышса да, үй-бүлөлүк саясатта, көп балалуу үй-бүлөлөрдө жана Македония үчүн келечекти билдирген саясатта калаарын билдирди. Мицкоскинин айтымында максат — жергиликтүү жумушчулар үчүн жаңы жумуш орундарын түзүү жана учурдагы деңгээлди гана сактабастан, өсүүчү, атаандашка жөндөмдүү экономика куруу.