Өмер Челик: Ливия Өкүлдөр палатасынын бекитүүсү тарыхый жана укуктук туура экендигибиздин далили

Адилет жана өнүгүү партиясынын сүйлөөчүсү Өмер Челик Ливия Өкүлдөр палатасынын Түркия менен кол коюлган деңиз аймактарын аныктоо макулдашуусун бекитишин тарыхый жана укуктук туура экендигибиздин тастыгы деп айтты. Ал социалдык тармактагы баракчасында бул макулдашуу Түркия жана Ливиянын укуктарын коргоо жагынан укуктук жактан бекем негизге таянаарын жазды.

Челик чыныгы абалды жана укук принциптерин көрмөксөнгө салган билдирүүлөрдүн жана басым жасоочу мамилелердин жарамсыз экенин айтты. Президент Режеп Тайип Эрдогандын жетекчилиги астында Мави Ватандагы укуктарыбызды жана бооматкер Ливия элинин укуктарын күчтүү коргойбуз деп билдирди. Ал Түркия менен Ливиянын укуктарын Чыгыш Жерорто деңизинде жокко чыгарган мыйзамсыз аракеттер ийгиликтүү болбойт деп кошумчалады.

Ливия Өкүлдөр палатасы Бенгазиде жыйналып, 2019-жылы Улуттук келишим өкмөтү менен Түркия ортосунда кол коюлган деңиз аймактарын чектөө жөнүндөгү меморандумду бир добуштан бекиткенин билдирди. Палата ошондой эле 2020-жылкы №1 чечимин бир добуштан жокко чыгарды.