Казакстан Кыргызстандын жарандары үчүн электрондук кирүү уруксатын киргизет

Казакстан өкмөтү республикага кирүү жана анда болуу эрежелерин, ошондой эле чет элдиктердин өлкөдөн чыгуу тартибин бекитти. Постановлениеге ылайык, визасыз режим иштеген мамлекеттердин, анын ичинде Евразия экономикалык биримдигинин мүчөлөрү болгон Кыргызстандын жарандары электрондук кирүү уруксатын алууга тийиш. Уруксатты Ички иштер органдары Улуттук коопсуздук органдары менен макулдашуу боюнча акысыз берет.

Уруксатка арыз чет элдик жаран пландаштырылган кирүү күнүнө 72 сааттан кечиктирбей QazETA санариптик платформасы аркылуу берет. Арыз берүүдө идентификация же аутентификация өтүлөт. Чек ара кызматкерлери уруксаты бар болсо да, чет элдикке кирүүдөн баш тарта алат.

Ишке ашыруу баскычтар менен жүргүзүлөт: 2026-жылдын 1-ноябрынан Актау эл аралык аэропорту жана төрт автомобиль өткөрүү пункту, 2027-жылдын 1-январынан Астана жана Алматы аэропорттору, 1-мартынан калган бардык пункттар. Уруксаты жок болсо, 2027-жылдын 1-июлунан баштап кирүүдөн баш тартуунун негизи болот. ЕАЭБ мүчө мамлекеттеринин жарандары үчүн 90 күндүк болуу мөөнөтү сакталып калды. Постановление 24-октябрдан күчүнө кирет.