2029-жылга Казакстан электр энергиясынын 20%дык резервин түзөт

Казакстандын энергетика министрлигинин электр энергетикасын өнүктүрүү департаментинин директору Асылжан Мусин 2029-жылы республикадагы электр станцияларынын орнотулган кубаттуулугу электр энергиясына болгон суроо-талапты 20%дык запас менен толук камсыз кыларын билдирди. Анын айтымында, 2028-жылдын башында өз алдынчалык камсыздоого жетишилет, ал эми 2029-жылы профицит гана эмес, 20%дык резерв да болот.

Мусин мындай резервдин системадагы мүмкүн болгон авариялардын ордун толтуруу жана импорттон көз карандысыздыкты камсыз кылуу үчүн зарыл экенин айтты. Учурда орнотулган кубаттуулук 27,1 ГВт, анын ичинде көмүр 13,7 ГВт (51%), газ 7,1 ГВт (26%), жаңылануучу энергия булактары 3,8 ГВт (14%), ири ГЭСтер 2,8 ГВт (9%). Мурда Казакстан кечки чокку саатта жетишпеген электр энергиясын негизинен Россиядан, ошондой эле Кыргызстандан жана ара-тарада Өзбекстандан импорттоп келген.

Мусин 2026-2029-жылдары кубаттуулуктар ырааттуу ишке киргизилерин айтып, 2029-жылга чейин жалпы 13,4 ГВт ввод күтүлөрүн билдирди. Ал ошол эле учурда долбоорлорду ишке ашыруу убакытты талап кыларын жана азырынча керектөөгө жете албай жатканын белгиледи.