Жизахта автомобиль өндүрүшүн кеңейтүүгө 68,4 миллион доллар инвестиция

Өзбекстандын Жизах облусу 2026-жылы автомобиль өндүрүшүн кеңейтүү үчүн 68,4 миллион доллар инвестиция салууну пландаштырып жатат. UzA маалыматына ылайык, ADM Jizzakh жана BYD Uzbekistan Factory компаниялары 23 ишкананын иштешин жолго коюуну көздөйт. Анын ичинде жергиликтүү ишкерлер менен биргеликте түзүлүүчү 6 жаңы ишкана жана 54 түрдөгү бөлүктөрдү жергиликтүү өндүрүү каралган.

ADM Jizzakh ишканасынын негизинде Lada жана Renault автомобилдерин өндүрүүнү жергиликтүү деңгээлге өткөрүү үчүн 64 миллион доллар инвестиция өздөштүрүлгөн. Корея Республикасы жана Кытай менен биргеликте, жалпы наркы 400 миллион доллар болгон долбоорлор алкагында KIA, Chery жана Haval брендлери астында 15тен ашык түрдөгү жеңил автомобиль өндүрүлүүдө. Пластик бөлүктөр, отургучтар, электр кабелдери жана кузов бөлүктөрү боюнча 10дон ашык долбоор ишке ашырылууда. Жизах шаарындагы Jinting Automobile Electric жылына 210 миң даналык кубаттуулук менен кабель чыгарып, 250 жаңы жумуш ордун түздү. ADMC DASAN биргелешкен ишканасы жылына 50 миллион даана пластик продукция даярдоону пландап, 60 адамды жумуш менен камсыз кылды.