Абылкаир Скаков: Ийгиликтүү Кыргызстан Казакстандын кызыкчылыгына ылайык

Казакстандын Кыргызстандагы Чрезвычайный жана Ыйгарым укуктуу элчиси Абылкаир Скаков ийгиликтүү жана туруктуу Кыргызстан Казакстандын кызыкчылыгына ылайык экенин айтты. Ал эки өлкөнүн союздаштык мамилелерин соода, өнөр жай жана транспорт тармактарындагы конкреттүү долбоорлор менен бекемдөө керектигин белгиледи. Бул пикирин 25-октябрда белгиленүүчү Республика күнүнө арнаган авторлук макаласында билдирди.

Элчинин айтымында, мамилелер мамлекеттик келишимдерге гана эмес, элдердин тарыхый жакындыгына, жалпы маданиятына жана салт-санаасына негизделген. Ал 2024-жылдын апрелинде президенттер Касым-Жомарт Токаев менен Садыр Жапаров союздаштык мамилелерди тереңдетүү жана кеңейтүү жөнүндөгү келишимге кол койгонун, Казакстан аны 2025-жылдын июлунда ратификациялаганын эске салды.

Макалада Казакстандагы өзгөрүүлөр да айтылган. 2026-жылдын 15-мартында жаңы Конституция кабыл алынып, 145 депутаттан турган бир палаталуу Курултай каралганы белгиленген. 2025-жылы Казакстандын ИДП 306 миллиард долларга жетип, чыныгы көрсөткүч боюнча 6,5% өскөн. Казакстандык IT кызматтарынын экспорту 2020-жылдагы 33,5 миллион доллардан 2025-жылы 1,142 миллиард долларга чейин көбөйгөн.