Абылқайыр Скаков: Табысты Қырғызстан Қазақстанның мүддесіне сай

Қазақстанның Қырғызстандағы Төтенше және Өкілетті елшісі Абылқайыр Скаков табысты әрі тұрақты Қырғызстанның Қазақстан мүддесіне сай екенін айтты. Ол екі ел арасындағы одақтастық қатынасты сауда, өнеркәсіп және көлік салаларындағы нақты жобалармен нығайту қажеттігін атап өтті. Бұл пікірін 25 қазанда аталатын Республика күніне арнаған авторлық мақаласында жеткізді.

Дипломаттың айтуынша, қарым-қатынас тек мемлекетаралық келісімдерге ғана емес, халықтардың тарихи жақындығына, ортақ мәдениеті мен дәстүріне де негізделген. Ол 2024 жылдың сәуірінде Қасым-Жомарт Тоқаев пен Садыр Жапаров одақтастық қатынасты тереңдету және кеңейту туралы шартқа қол қойғанын, Қазақстанның оны 2025 жылдың шілдесінде ратификациялағанын еске салды.

Мақалада Қазақстандағы өзгерістер де айтылған. 2026 жылғы 15 наурызда жаңа Конституция қабылданып, 145 депутаттан тұратын бір палаталы Құрылтай құрылатыны көзделген. 2025 жылы Қазақстанның ІЖӨ 306 млрд долларға жетіп, нақты көрсеткіште 6,5%-ға өскен. Қазақстандық IT қызметтерінің экспорты 2020 жылғы 33,5 млн доллардан 2025 жылы 1,142 млрд долларға дейін өсті.