Токтогул районунда беш жылда 39 чакырым жол асфальттанды

Кыргызстандын Президенти Садыр Жапаров акыркы беш жылда Жалал-Абад облусунун Токтогул районунда жол инфраструктурасын жакшыртуу багытында бир топ иштер жасалып, жалпысынан 39 чакырым жолго асфальт төшөлгөнүн билдирди. Ал бул тууралуу Жалал-Абад облусуна иш сапарынын алкагында Токтогул районунун активи жана тургундары менен болгон жолугушууда сөз кылды.

Мамлекет башчысы жол куруу жана оңдоо иштеринин быйыл да уланып жатканын белгиледи. Айрыкча, аймактагы маанилүү транспорттук багыттардын бири, узундугу 55 чакырым болгон Токтогул — Беш-Таш унаа жолун реконструкциялоо иштери улантылууда.

Аталган жолду толугу менен бүтүрүп, келерки жылы пайдаланууга берүү пландалууда.