Qirgʻizistonda Toʻxtogʻul tumanida besh yilda 39 km yoʻl asfaltlandi

Qirgʻiziston Prezidenti Sadir Japarov soʻnggi besh yil ichida Jalolobod viloyatining Toʻxtogʻul tumanida yoʻl infratuzilmasini yaxshilash yoʻnalishida bir qator ishlar amalga oshirilib, jami 39 kilometr yoʻlga asfalt yotqizilganini maʼlum qildi. U bu haqda Jalolobod viloyatiga ish safari doirasida Toʻxtogʻul tumani faollari va aholisi bilan uchrashuvda gapirdi.

Davlat rahbari yoʻl qurilishi va taʼmirlash ishlari bu yil ham davom etayotganini qayd etdi. Ayniqsa, hududdagi muhim transport yoʻnalishlaridan biri boʻlgan, uzunligi 55 kilometr boʻlgan Toʻxtogʻul — Beshtosh yoʻlini rekonstruksiya qilish ishlari davom etmoqda.

Yoʻlni toʻliq yakunlash va kelgusi yil foydalanishga topshirish rejalashtirilgan.