Казакстанда мектептерде күзгү эс алуу башталды

Казакстанда мектептерде күзгү эс алуу башталды. Egemen.kz Маарип-агартуу министрлигинин басма сөз кызматына шилтеме кылып кабарлагандай, эс алуу 2026-жылдын 26-октябрынан 1-ноябрына чейин, ошол күндөр менен кошо 7 күн уланат. Мектептерде сабактар 2-ноябрда башталат.

Мамлекет башчысы Касым-Жомарт Токаевдин тапшырмасы менен өлкөдө балдардын кошумча билим алуу мүмкүнчүлүктөрү кеңейип жатат. Казакстанда 2,9 миңге жакын кошумча билим берүү уюму иштейт. Өнөр жана музыка мектептери, окуучулар сарайлары, спорт мектептери жана чыгармачылык борборлор балдарга кызыкчылыгына ылайык жөндөмүн өнүктүрүүгө мүмкүнчүлүк берет.

Министрлик эс алуу учурунда мектептердин балдар үчүн мазмундуу иш-чараларды сунуш кыла аларын, бирок аларга катышуунун ыктыярдуу экенин билдирди. Иш-чаралар балдардын кызыкчылыгын жана үй-бүлөнүн планын эске алуу менен уюштурулушу, мугалимдерге кошумча административдик жүк түшүрбөшү жана ата-энелердин макулдугу алынышы керектиги белгиленди. Министрлик ата-энелерди балдарына үйдө, көчөдө жана интернетте коопсуздук эрежелерин сактоонун маанисин түшүндүрүүгө чакырды.