Түркмөнстан: Сердар Бердимухамедовдун китеби япон тилинде басылды

Түркмөнстандын Тышкы иштер министрлигинин Эл аралык мамилелер институтунда президент Сердар Бердимухамедовдун «Түркмөнстандын бейтараптуулугу — тынчтуктун жана өз ара ишенимдин ачык жолу» аттуу китебинин япон тилиндеги басылышын тааныштыруу салтанаты өттү. Китептин япон тилине которулушу түркмөн-япон мамилелеринин жаңы деңгээлге жетип жатканынын дагы бир көрсөткүчү катары белгиленди.

Салтанатта Японияның Түркмөнстандагы Адаттан тыш жана Толук ыйгарым укуктуу элчиси Хироси Сасаки сөз сүйлөп, бул иш-чаранын эки өлкөнүн ортосундагы өз ара пайдалуу мамилелердин бардык багыттарда өнүгүп жатканын билдирерин айтты. Китеп япон окурмандарына жеткирилгени эки элдин байланыштарын бекемдөөгө чоң салым катары кабыл алынды.

Китепте түркмөн бейтараптуулугунун тарыхы, укуктук статусу жана заманбап маселелерди чечүүдөгү орду талкууланат. Бейтараптуулук статусу Бириккен Улуттар Уюмунун Баш Ассамблеясы тарабынан үч жолу таанылганы айтылды. Китеп жогорку сапаттагы басма ыкмасы менен басылып чыкты.