Кыргызстандын Жогорку Кеңеши Салык кодексине өзгөртүүлөрдү жактырды

Кыргызстандын Жогорку Кеңешинин депутаттары 28-октябрда салык салуу жаатындагы мыйзам долбоорлорун экинчи жана үчүнчү окууда жактырышты. Долбоорду Жогорку Кеңештин финансы, бюджет, ишкерлик жана атаандаштыкты өнүктүрүү комитетинин төрагасы Алтынбек Кудайбердиев киргизди.

Долбоорго ылайык, 2026-жылдын 1-августунан 31-декабрына чейин тигүү жана текстиль өндүрүүчүлөр, ошондой эле маркетплейстер аркылуу соода кылган сатуучулар бирдиктүү салыкты төлөөдөн жана бирдиктүү салык отчетун берүүдөн бошотулат. Фасад материалдары үчүн гипс жана табигый таш казып алууга роялти ставкасы тиешелуү түрдө 6% жана 12%дан 3%га чейин төмөндөйт. 2025-жылдын 1-сентябрынан 2026-жылдын 31-августуна чейин бирдиктүү жана сатуу салыгын эсепке алынган жери эмес, салыктык каттоодо турган жери боюнча төлөгөн салык төлөөчүлөргө салыктык жоопкерчилик чаралары колдонулбайт.

«Тамчы» атайын финансылык-инвестициялык аймагы үчүн атайын салык режими каралган, аймак бирдиктүү салыктык декларация берүүдөн бошотулат. Пайыздык киреше жана баалуу кагаздардын баасынын өсүшүнөн түшкөн киреше жеке киреше салыгынан бошотулат, улуттук паспорттор жана акциздик маркалар үчүн чийки заттарды импорттоо КБСден бошотулат. Укук бузуулар кодексине киргизилген өзгөртүүлөргө ылайык, мүлк жана киреше декларациясын өз убагында бербегени үчүн 3 миң сом, туура эмес же толук эмес маалымат бергени үчүн 5 миң сом, кайталангандыгы же бузууларды жоюу үчүн 10 миң сом айып пул белгиленет.