Токаев 2027-жылды Казакстанда ири масштабдуу элдик курулуш жылы деп жарыялоону сунуштады

Казакстандын Президенти Касым-Жомарт Токаев келерки жылды, ягный 2027-жылды ири масштабдуу элдик курулуш жылы деп жарыялоону сунуштады. Демилгени ал «Казакстандын жаңы тарыхый циклдеги актуалдуу милдеттери» деген темада Казакстан элине Кайрылуусунда айтты.

Токаевдин айтымында, жарандык инфраструктураны куруу жана оңдоо облустук борборлорду, райондорду жана конуштарды камтышы керек. Артыкчылыктуу багыттарга жолдор, аэропорттор, вокзалдар жана өзгөчө муктаждыгы бар балдар үчүн реабилитация борборлорун кошкондо саламаттык сактоо мекемелери кирет. Бардык аймактарда чыгармачылык үйлөр, спорт комплекстери, китепканалар жана илимий борборлор пайда болушу керек; турак жай курулушу да маанилүү милдет бойдон калат.

Мамлекет башчысы келе жаткан жасалма интеллект доорунда элдин жалпы жообу «дагы куруу, дагы куруу!» болушу керектигин айтты. Ал жарандардын турмушун жакшыртуу Конституцияда стратегиялык артыкчылык катары бекитилгенин белгиледи. Инфраструктураны жаңылоого, санариптештирүүгө жана өнөр жайды өнүктүрүүгө бюджеттик каражат бөлүнүп, жеке инвестициялар тартылууда. Токаев долбоорлорду кылдаттык менен тандоо, ишенимдүү компаниялар менен иштөө жана ар бир этапты көзөмөлдөө чакырыгын жасады.