Tokayev 2027-yilni Qozogʻistonda keng miqyosli xalq qurilishi yili deb eʼlon qilishni taklif qildi

Qozogʻiston Prezidenti Qosim-Jomart Toqayev 2027-yilni keng miqyosli xalq qurilishi yili deb eʼlon qilishni taklif etdi. Tashabbusni u “Qozogʻistonning yangi tarixiy davrdagi dolzarb vazifalari” mavzusidagi xalqqa Murojaatida bildirdi.

Tokayev fuqarolik infratuzilmasini qurish va taʼmirlash viloyat markazlari, tumanlar va aholi punktlarini qamrab olishi kerakligini taʼkidladi. Ustuvor yoʻnalishlar orasida yoʻllar, aeroportlar, vokzallar hamda maxsus ehtiyojli bolalar uchun reabilitatsiya markazlari kabi sogʻliqni saqlash muassasalari bor. Barcha hududlarda ijod uylari, sport majmualari, kutubxonalar va ilmiy markazlar paydo boʻlishi kerak; uy-joy qurilishi ham muhim vazifa boʻlib qoladi.

Tokayev yaqinlashib kelayotgan sunʼiy intellekt davriga xalqning umumiy javobi “yana qurish, yana qurish!” boʻlishini aytdi. U davlat byudjetidan infratuzilma, raqamlashtirish va sanoatga katta mablagʻ ajratilayotgani hamda xususiy investitsiyalar jalb qilinayotganini qayd etdi. Loyihalarni ehtiyotkorlik bilan tanlash, ishonchli kompaniyalar bilan ishlash va har bir bosqichni nazorat qilish zarurligini taʼkidladi.