Эрдоган ТМУ лидерлерине расмий кечки тамак берет

Түркиянын Президенти Режеп Тайып Эрдоган 29-октябрда Республика күнүнө карата Түрк мамлекеттери уюмуна (ТМУ) мүчө өлкөлөрдүн мамлекет жана өкмөт башчылары үчүн расмий кечки тамак уюштурат.

Modern.az кабарлашынча, Эрдоган алгач Аныткабирге барат, андан кийин Президенттик комплексте куттуктоолорду кабыл алып, Бештөбө Улут токойунун ачылыш аземине катышат. Расмий кечки тамакта Кыргызстандын Президенти Садыр Жапаровго орден тапшырылат. Иш-чарада Түркия жана Кыргызстандын президенттери сөз сүйлөйт.

Иш-чаранын алкагында Алишер Навои атындагы эл аралык сыйлык лауреатка тапшырылат. Программада концерттер жана TÜRKSOY бий шоусу бар. TRT Haber маалыматы боюнча, кечки тамакта түрк ырчысы Кырач жана казакстандык аткаруучу Димаш Кудайберген да сахнага чыгат.