Кыргызстанда кыйыр салыктар отчетун текшерүү автоматташтырылды

Кыргызстандын Мамлекеттик салык кызматы 2026-жылдын 1-ноябрынан тартып салык төлөөчүнүн кабинетинде кыйыр салыктар боюнча STI-123_7 отчетунун 3-бөлүмүн автоматтык түрдө текшерген функция ишке киргенин билдирди.

Кызматтын маалыматы боюнча, жаңы функция отчетто товарлардын толук көрсөтүлгөнүн, алардын ТЭИ ТН (тышкы экономикалык ишмердүүлүктүн товардык номенклатурасы) коддорун, өлчөө бирдиктерин жана санын текшерет. Ката табылса, система эскертүү берип, отчетту жөнөтүүдөн мурда оңдоого мүмкүнчүлүк түзөт.

Отчеттун 3-бөлүмүндө ЕАЭБ өлкөлөрүнөн ташылып келинген жана КНС боюнча тобокелдик белгилери бар товарлар көрсөтүлөт. Маалыматтарды туура эмес же толук эмес киргизүү салык милдеттенмелерин кайра кароого жана кошумча төлөмдөргө алып келиши мүмкүн. Салык кызматы импорттоочуларга товарларды жана коштомо документтерди алдын ала текшерип, тиешелүү товарларды отчетто туура көрсөтүүнү сунуштайт.