Казакстан Балкаш АЭСи үчүн уран отун запасын түзүүнү пландаштырууда

Khabar 24 «24KZ» маалыматына таянып кабарлагандай, Казакстан келечектеги өлкөлүк атом электр станцияларын отун менен камсыз кылуу үчүн бир нече ондогон жылга жетерлик стратегиялык уран запасын түзүшү мүмкүн. Президент Жолдоосунда Балкаш АЭСинин курулушу 2027-жылы башталарын жарыялады.

Өскемендеги Ульба металлургия заводунда инженерлер реакторлор үчүн отун элементтерин өндүрүү технологияларын өркүндөтүп жатышат жана керек болсо, кубаттуулукту арттырууга даяр. Завод жылына 400 тоннага чейин уран отунун чыгара турган жаңы линияны ишке киргизет. Бельгиялык инженерлер менен биргеликте уран таблеткаларын пресстөөчү жабдуу орнотулат. Казакстан дүйнөлүк уран өндүрүүнүн 40%ка чейинки үлүшү менен ири өндүрүүчү бойдон калууда.

2025-жылы Казакстанда 123 млрд киловатт-саат электр энергиясы өндүрүлдү, ал эми өндүрүлгөндөн 1,5 млрд киловатт-саат көп керектелди. Атом тармагы үчүн кадр даярдоо тездетилүүдө, өкмөт 2029-жылга чейин өлкөнү 100% электр энергиясы менен камсыз кылууну жана 20%дык өндүрүүчү кубаттуулук запасын түзүүнү пландап жатат.