Кыргызстан менен Россия соода жана экономикалык кызматташтыкты чыңдоону талкуулашты

Бишкек, 2026-жылдын 3-ноябры. Россияга жумушчу сапары учурунда Кыргызстан Министрлер кабинетинин Биринчи орун басары Данияр Амангелдиев Россия Федерациясынын Өкмөтүнүн вице-премьери Алексей Оверчук менен жолугушту. Жолугушууда кыргыз-орус соода жана экономикалык күн тартибинин учурдагы маселелери талкууланды.

Тараптар эки өлкөнүн ишканаларынын ортосундагы өнөр жай кызматташтыгын кеңейтүүнү, бирге өнөр жай долбоорлорун ишке ашырууну жана ЕАЭБ мүчө мамлекеттерин камтыган өндүрүш чынжырларын өнүктүрүүнү талкуулашты. ЕАЭБ алкагындагы кызматташтыктын маанилүүлүгүнө, өнөр жайды өнүктүрүүгө жана өлкөлөрдүн экономикалык потенциалын бекемдөөгө багытталган бирге демилгелерге өзгөчө басым жасалды.

Ошондой эле бажы кызматтарынын өз ara аракеттенүүсү, бажы процедураларын жакшыртуу жана алардын операциялык натыйжалуулугун жогорулатуу, өз ара соодасын андан ары өстүрүү боюнча пикир алмашылды. Тараптар негизсиз берилген шайкештикти баалоо документтеринин алдын алуу боюнча бирге аракеттерди да талкуулашты. Жолугушуудан кийин Данияр Амангелдиев менен Алексей Оверчук Кыргызстан менен Россиянын ортосундагы соода жана экономикалык байланыштарды бекемдөө боюнча бирге иштөөнү улантууга макулдашты.