Данияр Амангелдиев менен Алексей Оверчук соода-экономикалык маселелерди талкуулашты

Министрлер кабинетинин төрагасынын биринчи орун басары Данияр Амангелдиев 2026-жылдын 3-ноябрында Бишкекте Россиянын өкмөт төрагасынын орун басары Алексей Оверчук менен жолугушту. Жолугушууда кыргыз-россия соода-экономикалык күн тартибинин актуалдуу маселелери каралды.

Тараптар эки өлкөнүн ишканалары ортосундагы өндүрүштүк кызматташтыкты кеңейтүүнү, биргелешкен өнөр жай долбоорлорун ишке ашырууну жана ЕАЭБге мүчө мамлекеттердин катышуусунда өндүрүштүк чынжырларды өнүктүрүүнү талкуулашты. Өзгөчө ЕАЭБ алкагындагы кызматташтыктын жана өнөр жайды өнүктүрүүгө багытталган биргелешкен демилгелердин маанилүүлүгү белгиленди.

Ошондой эле бажы кызматтарынын өз ара аракеттенүүсү, бажы жол-жоболорун өркүндөтүү жана өз ара соданын өсүшү үчүн алардын ишинин натыйжалуулугун жогорулатуу боюнча пикир алмашылды. Шайкештикти баалоо боюнча документтерди негизсиз берүү учурларынын алдын алуу боюнча биргелешкен иш да талкууланды. Жолугушуунун жыйынтыгында Данияр Амангелдиев менен Алексей Оверчук Кыргызстан менен Россиянын соода-экономикалык байланыштарын чыңдоо боюнча биргелешкен ишти улантууга макулдашышты.