Gazagystan energetika ministri: elektrik tarifleri we kömür bahasy boýunça meýilnama ýok

Gazagystanyň energetika ministri Ýerlan Akkenženow elektrik energiýasynyň tarifleriniň ýene-de ýokarlanyp-ýokarlanmajagy we kömüriň gymmatlaşyp-gymmatlaşmajagy barada soraglara jogap berdi. Hökümetde geçirilen brifingde häzirlikçe beýle meýilnamanyň ýokdugyny aýtdy. Ol kömüriň bahasynyň häzirki derejede galjagyny, toptan elektrik energiýasynyň bahasynyň hem şeýle boljagyny aýtdy. Ministrligiň häzirki wagtda elektrik tarifini ýokarlandyrmak meselesini garamaýandygyny, ýöne gelip düşen arzalary kabul edip, derňäp ýörendigini goşdy.

Žurnalistler ýylyň başynda elektrik energiýasynyň çäkli tarifleriniň ýedi ýyllyk möhlete tassyklanandygyny, ýöne sentýabrda olaryň täzeden seredilendigini ýatladýarlar. Akkenženow ilkibaşdan hasaplamalarda hiç hili üýtgeşmäniň göz öňünde tutulmandygyny, ýöne arzalar ýygnalandan soň kömüriň bahasyny göz öňünde tutup tariflere düzediş girizilendigini düşündirdi. Üýtgeşmeler 10 sentýabrda güýje girdi.

Şol brifingde Milli ykdysadyýet ministrliginiň birinji wise-ministri Azamat Amrin ýylyň ahyryna Gazagystanda jemgyýetçilik hyzmat tariflerinin ýokarlanyp biljekdigini habar berdi.