Gazagystan 2029-njy ýyla çenli 13,3 GW täze energiýa kuwwatyny işe girizmegi meýilleşdirýär

Gazagystanda 2029-njy ýylyň ahyryna çenli 13,3 GW täze energiýa kuwwatynyň işe girizilmegi meýilleşdirilýär. Bu ýurduň içerki elektrik energiýasyna bolan isleglerini doly kanagatlandyrmaga we 20 göterim artykmaç öndüriş kuwwatyny emele getirmäge mümkinçilik berjekdigi aýdylýar. Bu barada Gazagystanyň Premýer-ministriniň birinji orunbasary Nurlybek Nalibaýew hökümetiň hakyky ykdysadyýet pudagyny ösdürmek boýunça matbugat konferensiýasynda habar berdi.

Häzirki wagtda Gazagystanyň birleşdirilen energetika ulgamynda 254 energiýa çeşmesi bar, olaryň 172-si gaýtadan dikeldilýän energiýa çeşmeleri. Ulgamyň bar kuwwaty 17 GW. 2026-njy ýylyň on aýynda elektrik energiýasynyň öndürilişi 102 mlrd kWt·sagatdan geçdi, sarp edilişi bolsa 103 mlrd kWt·sagatdan köp boldy. Iň ýokary sagatlarda manewr kuwwatlarynyň ýetmezçiligi 800 MW-dan 2 GW-a çenli bolup, ol goňşy ýurtlaryň energiýa ulgamlary bilen parallel işlemek arkaly ýapylýar.

Meýilnama boýunça 2026-njy ýylda 1,27 GW, 2027-nji ýylda 2,5 GW täze kuwwat işe girizilmeli. 2029-njy ýyla çenli goşulmaly 13,3 GW-dan 5,9 GW-y gaýtadan dikeldilýän energiýa çeşmelerine degişli bolar. Halkara guramalaryň goldawy bilen 2035-nji ýyla çenli energiýa balansy täzelenýär.