Қазақстан энергетика министрі: электр тарифі мен көмір бағасын көтеру жоспары әзірге жоқ

Қазақстанның энергетика министрі Ерлан Ақкенженов электр энергиясы тарифтерінің тағы да көтерілетіні және көмірдің қымбаттайтыны туралы сұраққа жауап берді. Үкіметтегі брифингте ол әзірге мұндай жоспар жоқ екенін айтты. Оның айтуынша, көмір бағасы қазіргі деңгейде қалады, электр энергиясының көтерме бағасы да солай. Министрлікте қазір электр энергиясы тарифін көтеру мәселесі қарастырылмайды, алайда ведомство өтінімдерді қабылдап, оларды қарастырып жатыр.

Журналистер жыл басында электр энергиясының шекті тарифтері жеті жылға бекітілгенін, бірақ қыркүйекте олардың қайта қаралғанын еске салды. Ақкенженов бастапқы есептеулерде ешқандай өзгеріс қарастырылмағанын, алайда өтінімдер жиналғаннан кейін көмір құнын ескере отырып, тарифтерге түзету енгізілгенін түсіндірді. Өзгерістер 10 қыркүйекте күшіне енді.

Сол брифингте Ұлттық экономика бірінші вице-министрі Азамат Әмрин жыл соңында Қазақстанда коммуналдық қызмет тарифтері өсуі мүмкін екенін хабарлады.