Qazaxıstan Enerji Naziri: elektrik tarifləri və kömür üzrə artım planı yoxdur

Qazaxıstan Enerji Naziri Yerlan Akkençenov elektrik enerjisi tariflərinin yenidən artırılıb-artırılmayacağı və kömürün bahalaşıb-bahalaşmayacağı suallarına cavab verib. Hökumətdə keçirilən brifinqdə danışan Akkençenov hazırda belə planın olmadığını bildirib. O, kömür qiymətinin hazırkı səviyyədə qalacağını, topdan satış elektrik enerjisi qiymətinin də eyni olacağını deyib. Nazirliyin hazırda elektrik tarifinin artırılması məsələsini nəzərdən keçirmədiyini, lakin daxil olan müraciətləri qəbul edib araşdırdığını əlavə edib.

Jurnalistlər ilin əvvəlində elektrik enerjisinin limit tariflərinin yeddi il üçün təsdiqləndiyini, lakin sentyabrda onların yenidən baxıldığını xatırladıblar. Akkençenov ilkin hesablamalarda heç bir dəyişikliyin nəzərdə tutulmadığını, lakin müraciətlər toplandıqdan sonra kömür dəyərini nəzərə alaraq tariflərə düzəliş edildiyini izah edib. Dəyişikliklər 10 sentyabrda qüvvəyə minib.

Eyni brifinqdə Milli İqtisadiyyat Nazirliyinin birinci vitse-naziri Azamat Əmrin ilin sonunda Qazaxıstanda kommunal xidmət tariflərinin artabiləcəyini bildirib.