Hakan Fidan: Türkiýe Demirgazyk Kipriň hukuklaryny we bähbitlerini goramagy dowam etdirer

Türkiýäniň Daşary işler ministri Hakan Fidan Demirgazyk Kipre iş sapary bilen bardy. Fidan bu sapary sosial media platformasy X-däki habarynda yglan etdi.

Sapar barşynda Fidan Demirgazyk Kipr Türk Respublikasynyň Prezidenti Tufan Erhürman, Premýer-ministr Ünal Üstel we Daşary işler ministri Tahsin Ertugruloglu bilen duşuşdy. Taraplar ikitaraplaýa gatnaşyklary we Kipr meselesi boýunça soňky ösüşleri ara alyp maslahatlaşdylar.

Fidan Türkiýäniň kipr türkleriniň howpsuzlygyny, ösüşini we abadançylygyny yzygiderli ileri tutýandygyny aýtdy. Ol şeýle diýdi: “Kipr meselesiniň iň hakyky çözgüdi adada iki döwletiň bilelikde ýaşamagydyr. Kipr türkleriniň üýtgemez hukuklary bolan suweren deňligini we deň halkara ornuny ykrar etmek adalatly we dowamly çözgüdiň esasy şertlerinden biridir.” Ol Prezident Recep Tayyip Erdoganyň BMG-niň Baş Assambleýasynda beren pozisiýasyna laýyklykda, Ankaranyň ähli halkara platformalarda kipr türkleriniň hukuklaryny we bähbitlerini goramagy dowam etdirjekdigini we Demirgazyk Kipr bilen her ugurda utgaşyklygyny güýçlendirjekdigini goşdy.