Хакан Фидан: Түркия Солтүстік Кипр құқықтары мен мүдделерін қорғауды жалғастырады

Түркия сыртқы істер министрі Хакан Фидан Солтүстік Кипрге жұмыс сапарымен барды. Министр сапарды әлеуметтік желі X платформасындағы жазбасында хабарлады.

Сапар барысында Фидан Солтүстік Кипрдегі Түрік Республикасының президенті Тұфан Ерхүрман, премьер-министр Үнәл Үстел және сыртқы істер министрі Таһсин Ертуғрұлоғлумен кездесті. Тараптар екіжақты қатынастарды және Кипр мәселесіндегі соңғы оқиғаларды талқылады.

Фидан Түркияның кипрлік түріктердің қауіпсіздігін, дамуын және әл-ауқатын басымдық деп санайтынын айтты. «Кипр мәселесінің ең шынайы шешімі — аралда екі мемлекеттің бірге өмір сүруі, — деді ол. — Кипрлік түріктердің ажырамас құқықтары болып табылатын егемен теңдігі мен тең халықаралық мәртебесін мойындау әділ және тұрақты реттеудің негізгі шарттарының бірі». Ол Президент Рәжеп Тайып Ердоғанның БҰҰ Бас Ассамблеясында қайталаған ұстанымына сәйкес, Анкараның барлық халықаралық алаңдарда кипрлік түріктердің құқықтары мен мүдделерін қорғауды және Солтүстік Кипрмен барлық салада ынтымақтастықты нығайтуды жалғастыратынын қосты.