Хакан Фидан: Түркия Түндүк Кипрдин укуктарын жана кызыкчылыктарын коргоону улантат

Түркиянын тышкы иштер министри Хакан Фидан Түндүк Кипрге иш сапары менен барды. Министр сапарды социалдык тармак Х'те жарыялаган билдирүүсүндө маалымдады.

Сапар учурунда Фидан Түндүк Кипр Түрк Республикасынын президенти Туфан Эрхүрман, премьер-министр Үнал Үстел жана тышкы иштер министри Тахсин Эртугрулоглу менен жолугушту. Тараптар эки тараптуу мамилелерди жана Кипр маселеси боюнча акыркы окуяларды талкуулашты.

Фидан Түркиянын кипрдик түрктөрдүн коопсуздугун, өнүгүүсүн жана аман-эсендигин артыкчылык деп эсептээрин айтты. «Кипр маселесинин эң реалдуу чечими — аралда эки мамлекеттин бирге жашашы, — деди ал. — Кипрдик түрктөрдүн ажырагыс укуктары болгон эгемендүү теңдигин жана теңдей эл аралык статусун таануу адилет жана туруктуу келишимдин негизги шарттарынын бири». Ал Президент Режеп Тайып Эрдоганнын БУУнун Бас Ассамблеясында кайталаган позициясына ылайык, Анкаранын бардык эл аралык аянттарда кипрдик түрктөрдүн укуктарын жана кызыкчылыктарын коргоону уланта турганын жана Түндүк Кипр менен бардык чөйрөлөрдө ынтымагын бекемдей турганын кошумчалады.