Hakan Fidan: Turkiya Shimoliy Kipr huquq va manfaatlarini himoya qilishda davom etadi

Turkiyaning tashqi ishlar vaziri Hakan Fidan Shimoliy Kipr Turk Respublikasiga ish safari bilan tashrif buyurdi. Fidan bu haqda ijtimoiy tarmoq X dagi xabarida eʼlon qildi.

Tashrif davomida Fidan Shimoliy Kipr Turk Respublikasi Prezidenti Tufan Erxürman, Bosh vazir Ünal Üstel va Tashqi ishlar vaziri Tahsin Ertuğruloʻlu bilan uchrashdi. Tomonlar ikki tomonlama munosabatlar va Kipr masalasidagi soʻnggi voqealarni muhokama qildi.

Fidan Turkiya kipr turklarining xavfsizligi, rivojlanishi va farovonligini doimo ustuvor deb hisoblashini aytdi. U shunday dedi: “Kipr masalasining eng real yechimi orolda ikki davlatning birga yashashidir. Kipr turklarining ajralmas huquqlari boʻlgan suveren tenglik va teng xalqaro mavqeni tan olish adolatli va barqaror kelishuvning asosiy shartlaridan biridir.” Shuningdek, Prezident Rajab Toyyib Erdoʻgʻonning BMT Bosh assambleyasida bildirgan pozitsiyasiga muvofiq, Ankara barcha xalqaro platformalarda kipr turklarining huquq va manfaatlarini himoya qilishda davom etishini va Shimoliy Kipr bilan barcha sohalarda hamjihatligini mustahkamlashini taʼkidladi.