Iň arzan energiýa – tygşytlanan energiýa – prezident

Prezident Şawkat Mirziýoýew energiýa pudagynyň maýadarlary bilen açyk gepleşikde her sebitde zerur güwwatyň öňünden meýilleşdiriljekdigini we taýyn taslamalaryň açyk tenderlere çykarylajagyny mälim etdi. Ol ýurduň energiýa taslamalaryny taýynlamakda we maýadarlar bilen işlemekde giň tejribe toplandygyny belledi.

Maksat 2030-njy ýyla çenli 22 müň megawat täze güwwat döretmek. Netijede elektrik energiýasynyň ýyllyk öndürilişi 129 milliard kilowatt-sagatdan geçer we gaýtadan dikeldilýän energiýanyň paýy 54 göterime ýeter. Taslamalar açyk bäsleşik, aýdyň düzgünler we ylalaşylan şertleriň yzygiderli ýerine ýetirilmegi esasynda durmuşa geçiriler. Ilkinji basgançakda ýaşyl güwwatlar köplenç maýadarlaryň teklip eden sebitlerinde ýerleşdirildi, bu bolsa elektrigi beýleki sebitlere geçirmegiň çykdajylaryny artyrdy.

“Bize aýry-aýry elektrik stansiýalary däl, birbirine berk baglanan energetika ulgamy gerek”, – diýip, prezident belledi. Jemi 2 müň 200 megawat güwwatly 6 sany gün we şemal stansiýasynyň taslamasy açyk tendere çykarylýar. 2050-nji ýyla çenli energetika pudagynyň Milli baş meýilnamasy ilkinji gezek taýynlanyp, açyk yglan ediler.