Эң арзан энергия – үнөмдөлгөн энергия – президент

Президент Шавкат Мирзиёев отун-энергетика тармагындагы инвесторлор менен ачык сүйлөшүүдө ар бир аймакта кубаттуулуктун кандай керек экени алдын ала пландалып, даяр долбоорлор ачык тендерге чыгарылаарын билдирди. Ал Өзбекстанда энергетикалык долбоорлорду даярдоо жана инвесторлор менен иштөөдө чоң тажрыйба топтолгонун белгиледи.

Максат 2030-жылга чейин 22 миң мегаватт жаңы кубаттуулук түзүү. Натыйжада электр энергиясын өндүрүүнүн жылдык көлөмү 129 миллиард киловатт-сааттан ашат, жаңыланууга жөндөмдүү энергиянын үлүшү 54 пайызга жетет. Долбоорлор ачык атаандаштык, ачык-айкын эрежелер жана макулдашылган шарттардын ырааттуу аткарылышы негизинде ишке ашырылат. Биринчи этапта «жашыл» кубаттуулуктар көбүнчө инвесторлор сунуш кылган аймактарда жайгаштырылып, бул электр энергиясын башка аймактарга жеткирүүнүн чыгымдарын көбөйткөн.

«Бизге өзүнчө электр станциялары эмес, өз ара байланышкан энергетика системасы керек», – деди президент. Жалпы кубаттуулугу 2 миң 200 мегаватт болгон 6 күн жана шамал станциясынын долбоору ачык тендерге чыгарылууда. 2050-жылга чейинки энергетика тармагынын Улуттук баш планы биринчи жолу иштелип чыгып, ачык жарыяланат.