Japarow: Gyrgyzystan-Azerbaýjan ittifaky aýratyn häsiýetli

Gyrgyzystanyň Prezidenti Sadyr Japarow, Gyrgyzystan bilen Azerbaýjanyň arasyndaky ittifakyň aýratyn häsiýete eýedigini aýtdy. Azerbaýjan Parlamentiniň Metbugat we jemgyýetçilik gatnaşyklary bölüminiň habaryna görä, ol bu pikirlerini Azerbaýjan Milli Mejlisiniň Spikeri Sahiba Gafarowa bilen duşuşykda beýan etdi.

Duşuşykda söwda we ykdysady ösüş, maýa goýum, energetika we ulag ýaly dürli ugurlarda Gyrgyzystan-Azerbaýjan hyzmatdaşlygyny has-da ösdürmegiň geljegi ara alyndy. Japarow iki ýurduň arasynda gazanylan ylalaşyklaryň, şol sanda Azerbaýjan Prezidenti Ilham Aliýewiň şu ýylyň iýul aýynda Gyrgyzystana döwlet saparyndan soň gol çekilen Müttefiklik gatnaşyklary hakda şertnamanyň ikitaraplaýyn gatnaşyklary ösdürmek üçin ähmiýetini nygtady.

Gafarowa Azerbaýjan Prezidenti Ilham Aliýewiň salamlaryny we ýagşy arzuwlaryny Prezident Japarowa ýetirdi. Spiker ikitaraplaýyn gatnaşyklaryň, şol sanda parlamentara gatnaşyklaryň dinamiki ösýändigini belledi we iki ýurduň arasyndaky hyzmatdaşlygy has-da pugtalandyrmagyň ähmiýetini nygtady.