Жапаров: Кыргызстан менен Азербайжандын союзу өзгөчө мүнөзгө ээ

Кыргызстан Президенти Садыр Жапаров Кыргызстан менен Азербайжандын ортосундагы союздун өзгөчө мүнөзгө ээ экенин билдирди. Азербайжан Парламентинин Басма сөз жана коомдук байланыштар бөлүмүнүн маалыматына ылайык, ал бул пикирин Азербайжан Милли Мажлисинин төрагасы Сахиба Гафарова менен жолугушууда айтты.

Жолугушууда соода жана экономика, инвестиция, энергетика жана транспорт тармактарын камтыган ар кандай багыттарда кыргыз-азербайжан кызматташтыгын андан ары өнүктүрүүнүн перспективалары талкууланды. Союздун өзгөчө мүнөзүн баса белгилеген Жапаров эки өлкөнүн ортосунда кол жеткирилген макулдашууларды, анын ичинде быйылкы жылдын июль айында Азербайжан Президенти Ильхам Алиевдин Кыргызстанга мамлекеттик сапары учурунда кол коюлган Союздук мамилелер жөнүндөгү келишимди маанилүү деп атады.

Гафарова Азербайжан Президенти Ильхам Алиевдин саламдарын жана жакшы каалоолорун Президент Жапаровго жеткирди. Спикер эки тараптуу мамилелердин, анын ичинде парламентаралык байланыштардын динамикалуу өнүгүп жатканын белгилеп, эки өлкөнүн ортосундагы кызматташтыкты андан ары бекемдөөнүн маанилүүлүгүн баса белгиледи.