Cengiz Holding Jizzahda 550 MW güýçli täze elektrik stansiýasyny gurar

Türkiýäniň Cengiz Holding kompaniýasy 2026-njy ýylyň ahyryna çenli Özbegistanyň Jizzah welaýatynda 550 MW güýçli parogaz elektrik stansiýasyny işe girizmegi meýilleşdirýär. Holdingiň dolandyryş geňeşiniň başlygy Mehmet Cengiz muny oktýabryň 16-synda Prezident Şawkat Mirziýoýew bilen duşuşykda habar berdi.

Cengiz bu taslamanyň kompaniýanyň Özbegistandaky üçünji energetika taslamasydygyny we bahasynyň takmynan 800 million dollardygyny aýtdy. Onuň sözlerine görä, holdingiň ýurtdaky umumy maýa goýumlary 900 million dollardan geçdi. Daşkent we Syrderýa welaýatlaryndaky taslamalardan soň, kompaniýanyň gurup ýerleşdiren desgalarynyň umumy gurnalan kuwwaty 1010 MW-a ýetjek.

Cengiz şeýle hem dördünji taslamanyň seljerilýändigini we energetikadan başga pudaklarda-da mümkinçilikleriň öwrenilýändigini belledi. Mirziýoýew holding ýolbaşçysyndan Täze Daşkent gurluşygyna gatnaşmak boýunça teklipleri hödürlemegi haýyş etdi. Bellemelik, Jizzah stansiýasynyň 2025-nji ýylda işe girizilmegi meýilleşdirilipdi.