Özbegistanda elektrik öndürilişi 8,4 göterim artdy, import 27,2 göterim azaldy

Özbegistanda 2026-njy ýylyň ýanwar–sentýabr aýlarynda elektrik energiýasynyň öndürilişi geçen ýylyň şol dowrundaky görkezijiden 5,4 milliard kilowatt-sagat ýa-da 8,4 göterim artdy. Bu barada Energetika ministrligi habar berdi. Ministrligiň maglumatlaryna görä, dokuz aýda jemi 69,6 milliard kilowatt-sagat elektrik energiýasy öndürildi. Onuň 49,1 milliard kilowatt-sagaty ýylylyk elektrik stansiýalarynyň, 10,5 milliard kilowatt-sagaty iri Gün we şemal elektrik stansiýalarynyň, 6,6 milliard kilowatt-sagaty bolsa gidroelektrik stansiýalarynyň paýyna düşdi.

Iri Gün we şemal elektrik stansiýalary dokuz aýda 2025-nji ýylyň doly ýyllyk öndürilişine ýetdi. Gidroelektrik stansiýalarda bolsa geçen ýyl öndürilen 6,5 milliard kilowatt-sagatlyk görkeziji geçildi. Kiçi Gün stansiýalarynda 2,5 milliard kilowatt-sagat elektrik energiýasy öndürildi, bu geçen ýylky netijeden 500 million kilowatt-sagat artdy.

Hasabat döwründe elektrik energiýasynyň sarp edilişi 68,1 milliard kilowatt-sagada deňdi, bu geçen ýylyň şol dowruna görä 6,3 göterim köp. Elektrik energiýasynyň eksporty 21,4 göterim artyp, 3,4 milliard kilowatt-sagada ýetdi. Import bolsa 27,2 göterim azalyp, 1,9 milliard kilowatt-sagat boldy. Energetika ministrligi 2026-njy ýylyň ahyryna çenli 94,6 milliard kilowatt-sagat elektrik energiýasy öndürmegi meýilleşdirýär.