Samarkandda “Ipek ýoly” muzeýi döredilýär

Döwlet Baştutanynyň 21-nji aprelde kabul eden kararyna laýyklykda, Samarkand şäherinde “Ipek ýoly” döwlet muzeýi döredilýär. Muzeýiň şäheriň taryhy böleginde, Koksaroý meýdanynyň ýerleşýän sebitinde gurulmagy meýilleşdirilýär we häzirki wagtda taslama işleri dowam edýär.

“Samarkand” döwlet muzeý-goraghanasynyň baş direktorynyň ylmy işler boýunça orunbasary Safura Ruzimurodowa karar esasynda 2026-2028-nji ýyllary öz içine alýan çäreler programmasynyň tassyklanandygyny aýtdy. Programmada gurluş işleri, ýerli we daşary ýurt hünärmenleriniň gatnaşmagy bilen muzeýiň ylmy konsepsiýasynyň we tematik-ekspozisiýa meýilnamasynyň taýýarlanmagy göz öňünde tutulýar. Ekspozisiýada Beýik Ipek ýolunyň taryhyny öwrenmek boýunça arheologiki gözlegler we Ipek ýolunda ýerleşen gadymy şäherler bilen baglanyşykly materiallar görkezilmegi meýilleşdirilýär.

Ekspozisiýa 14 bölümden ybarat bolup, “Tapyndylar topragy”ndan başlap “Häzirki zaman ipek ýollary”na çenli dowam eder. Ekspozisiýada häzirki zaman maglumat tehnologiýalaryndan we suni intellekt mümkinçiliklerinden peýdalanylar, animasiýa we ylmy resminamaly filmler döredilep. Başlangyç meýilnamalara görä, arheologiýa, suratkeşlik we amaly sungat materiallaryny öz içine alýan 6 müňden gowrak nädir eksponat bir ýere jemlenýär; eksponatlaryň sany artyp biler. Muzeýiň döredilmegi Samarkandyň medeni mirasyny giňden tanatmaga we şäheriň turistik çekijiligini ýokarlandyrmaga hyzmat etjekdigi bellenildi.