Gazagystanda gaýta işleýän senagat eksporty soňky 5 ýylda 45%-den geçdi

Gazagystanyň Prezidenti Kasym-Žomart Tokaýew Respublika güni mynasybetli dabaraly çäräniň çykyşynda ýurdyň ösen tehnologiýa esaslanan önümçiligi ösdürmek üçin ýol açandygyny aýtdy. Bu barada Egemen.kz Prezidentiň Administrasiýasynyň matbugat gullugyna salgylanyp habar berýär. Prezidentiň sözlerine görä, soňky 5 ýylda gaýta işleýän senagatda eksport göwrümi 45 göterimden geçdi.

Prezident demir ýol pudagynda täze ösüşleriň bolandygyny belledi. Relslerden we şpallardan wagonlara we elektrik lokomotiwlerine çenli zerur zatlaryň ählisi indi ýurtda öndürilýär. Awtoulag öndürilişi hem gerimini artdyrdy: her ýyl konweýerden 150 müňden gowrak ýeňil we ýük awtoulagy çykýar. Soňky ýedi ýylda çekilen daşary ýurt maýadarlyklarynyň göwrümi 155 milliard dollara ýetdi.

Prezident ýylyň başyndan bäri umumy ululygy 60 milliard dollar bolan 355 söwda şertnamasynyň gol çekilendigini aýtdy. Gazagystan Ýewraziýanyň öndebaryjy ulag-logistika merkezi hökmünde ornuny berkidýär. Howa menzilleri, wokzallar, köprüler we deňiz portlary gurlupdyr ýa-da abadanlaşdyrylypdyr.