Gruziýa we Merkezi Aziýa ýurtlary Orta koridoryň potensialyny maslahatlaşdy

Gruziýa we Türkmenistan, Gazagystan, Gyrgyzystan, Täjigistan we Özbegistan – bäş Merkezi Aziýa ýurdy 23-nji oktýabrda Batumida daşary işler ministrleriniň ilkinji bilelikdäki maslahatyny geçirdi.

Gruziýanyň Daşary işler ministrliginiň habar bermegine görä, maslahatda Gruziýa we Merkezi Aziýa ýurtlarynyň arasynda hyzmatdaşlyk gatnaşyklaryny ösdürmek, syýasy dialogy güýçlendirmek we umumy bähbitlere esaslanýan hyzmatdaşlygy giňeltmek meseleler ara alyndy.

Gatnaşyjylar Gruziýanyň we Merkezi Aziýanyň Ýewropa bilen Aziýanyň arasyndaky baglanyşygy güýçlendirmekdäki roluny nygtadylar. Ara alnan meselelerde Orta koridoryň ösdürilmegine we onuň potensialyndan doly peýdalanmaga aýratyn üns berildi. Taraflar, şeýle hem, ykdysadyýet, söwda, ulag we turizm ulgamlarynda hyzmatdaşlygy çuňlaşdyrmak mümkinçiliklerini gözden geçirdiler. Gatnaşyjylar bu formatyň hyzmatdaşlyklary pugtalandyrmakdaky ähmiýetini nygtadyp, hyzmatdaşlygy dowam etdirmäge taýyndygyny aňlatdylar.