Грузия мен Орталық Азия елдері Орта дәліз әлеуетін талқылады

Грузия және Орталық Азияның бес елі — Түркменстан, Қазақстан, Қырғызстан, Тәжікстан және Өзбекстан 23 қазанда Батумиде сыртқы істер министрлерінің алғашқы бірлескен кездесуін өткізді.

Грузия Сыртқы істер министрлігінің мәлімдеуінше, кездесуде Грузия мен Орталық Азия елдері арасындағы серіктестік қатынастарды дамыту, саяси диалогты нығайту және ортақ мүдделерге негізделген ынтымақтастықты кеңейту мәселелері талқыланды.

Қатысушылар Грузия мен Орталық Азияның Еуропа мен Азия арасындағы байланысты нығайтудағы рөлін атап өтті. Талқылауда Орта дәлізді дамытуға және оның әлеуетін толық пайдалануға ерекше назар аударылды. Тараптар сондай-ақ экономика, сауда, көлік және туризм салаларында ынтымақтастықты тереңдету мүмкіндіктерін қарастырды. Қатысушылар бұл форматтың серіктестікті нығайтудағы маңыздылығын атап өтіп, ынтымақтастықты жалғастыруға дайын екендіктерін білдірді.