Rusiýada 2026/27 okuw ýylynda mekdep dynç alyşlary bir gün gysgalar

Rusiýa Bilim ministrliginiň 2026/27 okuw ýyly üçin maslahat berýän mekdep dynç alyşlarynyň umumy dowamlylygy 126 gün bolar. RIA Novosti-niň habaryna görä, bu häzirki okuw ýylyndaky 127 günden bir gün az. Meýilnama 2–11-nji synp okuwçylaryna degişlidir.

Maslahat berilen sanalara görä, güýz dynç alşy 26 oktýabrdan 3 noýabra, gyş dynç alşy 31 dekabrdan 10 ýanwara, ýaz dynç alşy 27 martdan 4 aprele, tomus dynç alşy bolsa 27 maýdan 31 awgusta çenli dowam eder. Birinji synp okuwçylary üçin 2027-nji ýylyň 15–21 fewralynda goşmaça dynç alyş berilmegi göz öňünde tutulýar.

Mekdepler federal meýilnamany ýa-da sebitleýin we etnomädeni däp-dessurlary göz öňünde tutup, öz dynç alyş senenamasyny düzüp bilerler.